సూరత్ వజ్రాల వ్యాపారికి నోటీసులు

 దీపావళి బోనస్‌గా తన కంపెనీలో పనిచేస్తున్న ఉద్యోగులకు వందలాది కార్లు, ఫ్లాట్లు, బంగారు ఆభరణాలు పంచిపెట్టి కార్పొరేట్ ప్రపంచాన్ని నివ్వెరపోయేలా చేసిన సూరత్ వజ్రాల వ్యాపారి గుర్తున్నాడా...? ఆయన ఇప్పుడు మళ్లీ వార్తల్లోకి ఎక్కాడు... అయితే ఈ సారిమాత్రం మంచిపని చేసి కాదు... రూ.6 వేల కోట్ల ‘హరే కృష్ణ ఎక్స్‌పోర్టు’ కంపెనీ చైర్మన్ సావ్‌జీ డోలాకియా తన కంపెనీలో పనిచేస్తున్న ఉద్యోగుల పీఎఫ్ కోసం చెల్లించాల్సిన రూ.16.66 కోట్లు కట్టలేదు. దీంతో డోలాకియాపై చట్టపరమైన చర్యలు తీసుకునేందుకు ఉద్యోగ భవిష్య నిధి సంస్థ (ఈపీఎఫ్‌వో) సిద్ధమైంది. పీఎఫ్ ఎగవేసినందుకు గానూ ఆయనకు ఇప్పటికే తుది నోటీసులు జారీ చేసిన ఈపీఎఫ్‌వో... సదరు కంపెనీ బ్యాంకు ఖాతాలను కూడా స్తంభింపజేసే అవకాశాలు ఉన్నాయి. వజ్రాల కార్మికులతో కలిపి ప్రస్తుతం ఆయన కంపెనీలో మొత్తం 3,165 మంది ఉద్యోగులు పనిచేస్తున్నారు. అయితే ఈపీఎఫ్‌లో మాత్రం కేవలం 17 మందిని మాత్రమే నమోదు చేయడం ద్వారా ఈ కంపెనీ భవిష్యనిధి, పారిశ్రామిక చట్టాలను ఉల్లంఘించింది. చాలా ఏళ్లుగా ఉద్యోగులకు పీఎఫ్ చెల్లించకపోవడంతో ఈ వ్యవహారంపై రెండేళ్ల పాటు విచారణ జరిపిన ఈపీఎఫ్‌వో.... 15 రోజుల్లోగా రూ.16.66 కోట్లు చెల్లించాలని నోటీసులు జారీచేసింది. 2014 దీపావళి సందర్భంగా డొలాకియా తన కంపెనీలో పనిచేస్తున్న ఉద్యోగులకు 491 కార్లు, 207 ఫ్లాట్లు బోనస్‌గా ఇచ్చారు.

టన్నుల బంగారం కొట్టేసి.. పిచ్చి నాటకాలు!

అది 1857వ సంవ‌త్స‌రం… అట్లాంటిక్ మ‌హా స‌ముద్రంలో మూడు ట‌న్నుల బంగారంతో ఓ భారీ నౌక బ‌య‌లు దేరింది. అనుకోకుండా ఓ పెద్ద తుఫాను వ‌చ్చింది. భారీ నౌక న‌డిసంద్రంలో మునిగిపోయింది. క‌ట్ చేస్తే  130 సంవ‌త్స‌రాల త‌ర్వాత అంటే 1988లో  మునిగిన నౌక‌లో ఉన్న మూడు ట‌న్నుల బంగారం థామ్స‌న్ అనే వ్య‌క్తి వెలికి తీసిన‌ట్లు పోలీసులు గుర్తించారు. అప్ప‌టి నుంచి థామ్స‌న్ కోసం పోలీసులు వెతుకుతున్నా  వారి క‌ళ్లు క‌ప్పి ఎంతో చాక‌చ‌క్యంగా త‌పిపంచుకుతిరుగుతున్నాడు. ఇదంతా సినిమా స్టోరీలా ఉన్న‌ప్ప‌టికీ ఇదే నిజం. ఈ ఘ‌ట‌న అమెరికాలో చోటుచేసుకుంది.
వివ‌రాల్లో కెళితే … ఈ బంగారాన్ని స‌ముద్ర‌పుటంచులనుంచి బ‌య‌ట‌కు తీసేందుకు థామ్స‌న్ త‌న స్నేహితుల సహకారం కోరాడు. బంగారాన్ని విజయవంతంగా బయటకు తీసుకొస్తే వారికి కూడా వాటా ఇస్తానని ఒప్పందం కుదుర్చుకున్నాడు. బంగారాన్ని సముద్రం నుంచి తీసేందుకు థామ్సన్ ఓ రోబోను తయారు చేశాడు. ఇది 8000 అడుగున ఉన్న బంగారాన్ని వెలికి తీయగలే సామర్థ్యం ఉంది. ఈ రోబోను తయారు చేసేందుకు కావాల్సిన డబ్బును థామ్సన్ స్నేహితులే సమకూర్చారు. అంతా రెడీ అయిన తర్వాత రోబోను సముద్రంలోకి వదిలి మొత్తానికి మూడు టన్నుల బంగారాన్ని బయటకు తీసుకొచ్చాడు.   ఆ తర్వాత మొత్తం బంగారంతో థామ్సన్ ఉడాయించాడు.
2000వ సంవత్సరంలో తమకు న్యాయం చేయాల్సిందిగా థామ్సన్  మిత్రులు కోర్టుమెట్లెక్కారు.  ఆ బంగారాన్ని ఎప్పుడో అమ్మేసినట్లుగా థామ్సన్ కోర్టుకు సమాధానం ఇచ్చాడు. 2012లో కోర్టుకు హాజరుకావాల్సిందిగా న్యాయస్థానం  థామ్సన్ కు నోటీసులు జారీ చేసింది. కోర్టు నోటీసులకు స్పందించకపోవడంతో థామ్సన్ పై అరెస్ట్ వారెంట్ జారీ చేసింది ఫెడరల్ కోర్టు. ఇక అప్పటి నుంచి పరారీలో ఉన్నాడు.
రంగంలోకి దిగిన FBI థామ్సన్ కోసం వేట సాగించింది. మారు పేర్లతో విలాసవంతమైన హోటళ్లలో థామ్సన్ నివసించేవాడు. పక్కా సమాచారం అందుకున్న FBI పోలీసులు 2015 జనవరిలో ఓ హోటల్లో థామ్సన్ ను అదుపులోకి తీసుకున్నారు. మూడు టన్నుల బంగారంపై ఆరా తీశారు. అయితే ఆ బంగారం సంగతి గురించి తనకేమీ తెలియదని బుకాయించాడు. అది ఎక్కడుందో తనకు గుర్తులేదని చెబుతున్నాడు. థామ్సన్ తరపున వాదిస్తున్న లాయరు కూడా తన క్లైంట్ మెమొరీ లాస్ వ్యాధితో బాదపడుతున్నాడని తనకు ఏమీ గుర్తుండదని వాదించాడు.
ఈ కేసు నుంచి తప్పించుకునేందుకే థామ్సన్ మెమొరీ లాస్ డ్రామాను తెరపైకి తెచ్చాడని భావించిన కోర్టు… ఆ బంగారు నిధి గురించి వివరాలు చెప్పేవరకు జైలులోనే ఉంచాల్సిందిగా ఆదేశాలు ఇస్తూ రోజుకు 1000 డాలర్లు జరిమానా విధించింది.

13-year-old pregnant after being raped by auto driver for 5 months

HYDERABAD: An auto driver was nabbed for sexually exploiting a 13 year-old girl whom he had been ferrying to school over a period of five months. The abuse came to light after the girl became pregnant and her family members found out about her state. The family lodged a complaint against the erring driver on Wednesday.

Police said Rajesh, 37, of Lalaguda, had been transporting eight students to and fro the area since August 2015. He allegedly began abusing the girl, who was the eldest among the children, over the past five months.

He used to stop the auto-rickshaw at a particular point and ask the other children to go play at a ground nearby. "While the other students, including the victim's five-and-half-year-old brother were playing, Rajesh used to take the girl to an abandoned house nearby and rape her," said Lalaguda inspector R Karan Kumar Singh.

"Over the past five months, Rajesh raped the victim about 13 times. The victim became pregnant after the repeated assault. Her mother realised what had been happening after noticing changes in her body," Singh said.

During the investigation, the police found out that Rajesh had been using vulgar language and had warned the girl against speaking to anyone about the abuse. The traumatised child would request her parents to skip school at least once a week.


On Wednesday afternoon, the victim's mother lodged a complaint with the Lalaguda police and a case was registered against Rajesh under section 376 (2) (i) (n) (rape) of the Indian Penal Code (IPC) and section 3(a) (penetrative sexual assault) rw section 4 (fine) of the Protection of Children from Sexual Offences (POCSO) Act. Police sent the victim for medical examination, while the culprit was taken into custody.


Speaking about such cases, child rights activists said the profile of 'predators' has remained unchanged over the years. It is still the over-friendly neighbour, attentive school teacher or doting uncle who, in most cases, are found guilty. From homes and playgrounds to hostels and orphanages, every place is infested with these offenders, say activists.


Deputy commissioner of police (DCP), North Zone, B Sumati told TOI that to prevent such incidents parents and teachers should teach children about what is an inappro priate touch and an appropriate one. "Children should be brought up in such a manner that they feel they can speak to their parents about any problem they face in their day-to-day routine," the DCP said.

స్నేహితుల వేడుక్కి.. శ్రేయతో పాడించా!

స్నేహితుల వేడుక్కి.. శ్రేయతో పాడించా!

కోట్ల రాబడి ఉన్న కార్పొరేట్‌ సంస్థ కార్యక్రమమైనా..కోటీశ్వరుల ఇంటి పిల్లల పెళ్లైనా..కొండల్ని కరిగించే గాయకుల కచేరియైనా..ఏవీ వాళ్లకు వాళ్లే చేయలేరు! ప్రజలకు తెలిసేట్టు ప్రకటనలు ఎలా ఇవ్వాలి.. ఆద్యంతం వాళ్లని కట్టిపడేయాలంటే ఏం చేయాలి.. కార్యక్రమానికి వచ్చే అతిథులని ఎలా గౌరవించాలి.. ఇవన్నీ వాళ్లు చూసుకోవాల్సిన అవసరంలేదు. ఆ బాధ్యతల్ని ఈవెంట్‌ మేనేజర్స్‌కి అప్పగిస్తే చాలు! మధిర హరిణి అలాంటి ఈవెంట్‌ మేనేజర్‌. బాలీవుడ్‌ తారల నుంచి దేశంలోని అగ్రశ్రేణి ఐటీ సంస్థల నిర్వాహకుల దాకా తమ కార్యక్రమాల ఏర్పాటుకి ఆమె సేవలకోసం ఎదురుచూస్తున్నారిప్పుడు!ఆ రంగంలో అంతగా రాణిస్తున్న ఆమె తన విజయ యాత్రనిలా పంచుకున్నారు



కార్యక్రమం నిర్వహించడం అంత సులువేం కాదు. మనదైన సృజన ఉండాలి. వినియోగదారుల ఆలోచనలూ, ఆసక్తులను దానికి మేళవించాలి. అందరినీ మెప్పించాలి. అప్పుడే ఆదరణ ఉంటుంది. అందుకే నేను ఎన్నో జాగ్రత్తలు తీసుకుంటా. అదే నాకు గుర్తింపు తెచ్చిపెట్టింది. జీఎమ్మార్‌, ఒరాకిల్‌, బ్యాంక్‌ ఆఫ్‌ అమెరికా, ఇన్ఫోసిస్‌ వంటి సంస్థలూ, సినీ, రాజకీయ, వ్యాపార ప్రముఖులెందరినో మా వినియోగదారులుగా మార్చింది. నేను పుట్టింది డెహ్రాడూన్‌ అయినా కావడానికి తెలుగువాళ్లమే. నాన్న ఓఎన్‌జీసీ ఉద్యోగి. నా చదువంతా దిల్లీలో సాగింది. నాన్నకు సంగీతం అంటే చాలా ఇష్టం. అందుకే నా చిన్నతనంలో ఇంట్లో తరచూ కచేరీలూ జరిగేవి. ఆ ప్రభావంతో నేనూ సంగీతంలో పీజీ చేశా. తరవాత నాకు ప్రఖ్యాత రికార్డింగ్‌ కంపెనీ ‘హెచ్‌ఎమ్‌వీ’లో పనిచేసే అవకాశం లభించింది. అక్కడ నా పని సంగీత కళాకారులతో ఆల్బమ్‌లు చేయడం. అక్కడయ్యాక మరో రెండు సంస్థల్లోనూ పనిచేశా. ఈలోగా పెళ్లవడంతో హైదరాబాద్‌ వచ్చేశా. అప్పటి ఉమ్మడి ఆంధ్రప్రదేశ్‌ పర్యటక శాఖవాళ్లు ఓ కార్యక్రమం కోసం సంగీతకళాకారుల్ని తీసుకొస్తారా అని అడిగారు. నేను అంతకముందు చేసిన పనే కాబట్టి సంతోషంగా ఒప్పుకున్నా. కానీ అలాంటి సేవల్ని మళ్లీ కొనసాగించలేదు. మా వారి ఉద్యోగరీత్యా అమెరికా వెళ్లిపోవాల్సి వచ్చింది. తిరిగి హైదరాబాద్‌ వచ్చాక నేనంటూ సొంతంగా వ్యాపారం ప్రారంభించాలనుకున్నా. సంగీతాన్ని, పాటల్ని సామాన్యులకు చేరువ చేయాలనే ఉద్దేశంతో ‘‘సిస్నే ఫర్‌ ఆర్ట్స్‌’’ పేరుతో 2005లో ఈ సంస్థను ప్రారంభించా. నా పని ప్రముఖ గాయకుల్ని ఆహ్వానించి కార్యక్రమాలు నిర్వహించడం. అలా ఇప్పటివరకూ జగ్జీత్‌ సింగ్‌, గుల్జార్‌, ఎల్‌.సుబ్రహ్మణ్యం, సోనూ నిగమ్‌, జాకిర్‌ హుసేన్‌, అంజాద్‌ అలీఖాన్‌, శ్రేయాఘోషల్‌ వంటి ప్రముఖులతో కార్యక్రమాలు చేశా. 2010లో స్నేహితుల దినోత్సవం సందర్భంగా శ్రేయాఘోషల్‌తో ‘‘ఫ్రెండ్స్‌ ఫరెవర్‌’’ కార్యక్రమాన్ని ఏర్పాటుచేశా. అదే వేడుకను కైలాష్‌ ఖేర్‌తోనూ చేశా. జాకీర్‌ హుసేన్‌, మరో ఇద్దరు గ్రామీ అవార్డు విజేతలను ఇక్కడకు తీసుకొచ్చి కార్యక్రమాలు చేశా. సింగపూర్‌, యూకె, న్యూజిలాండ్‌ వంటి వివిధ దేశాల్లోనూ మా సంస్థ తరఫున ఏర్పాటు చేశా.
ఆడపిల్లవు నువ్వేం చేస్తావన్నారు..
కార్పొరేట్‌ సంస్థల కోసం ఉత్పత్తి ప్రదర్శనలు, వార్షికోత్సవాలు, థీమ్‌ వేడుకలను నిర్వహించడం మొదలుపెట్టా. కాకపోతే ఇది పూర్తిగా పురుషాధిక్యత ఉన్న రంగం. మొదట్లో ‘ఆడపిల్లవు నువ్వేం చేయగలవు’’ అన్నారు. అవకాశమిచ్చినా మా వల్ల పొరపాట్లు ఏవయినా జరిగితే వెంటనే గుర్తించి తిడదామని ఎదురు చూసేవారు. మగవాళ్లే ఓ పనిని బాగా చేస్తారని ఎక్కడా లేదు కదా.. అందుకే నేను వాళ్ల మాటల్ని సవాలుగా తీసుకున్నా. ఏ ఒక్క అవకాశాన్నీ వదులుకోలేదు. వందశాతం కష్టపడ్డా. మేం నిర్వహించే కార్యక్రమాలకు సమయమంటూ ఉండదు. అటు ఇంటినీ, పనినీ సమన్వయం చేసుకోవడం కూడా పెద్ద విషయమే. ఆ శ్రమే.. నాకు గుర్తింపు తెచ్చింది. మేం అందించే సేవల గురించి పెద్దగా ప్రచారం చేయకపోయినా కేవలం నోటిమాటద్వారానే అవకాశాలు వరుస కట్టాయి. కాగ్నిజెంట్‌, ఐబీఎమ్‌, జీఎమ్మాఎర్‌ వంటి అనేక సంస్థల్లో పలు రకాల కార్యక్రమాలు చేశా. ఇన్ఫోసిస్‌ సంస్థ మ్యాజిక్‌ ఇల్యూజన్‌ పేరుతో ఉద్యోగుల పిల్లలకోసం ఓ కార్యక్రమం ఏర్పాటు చేసింది. హ్యారీపోటర్‌, జిమ్మీ వంటి పాత్రలతో దాన్ని ఏర్పాటు చేశాం. అదే కాదు.. కాగ్నిజెంట్‌ సంస్థకోసం అరేబియన్‌ నైట్స్‌ థీమ్‌తో పాటూ, గోవా, బాలీవుడ్‌కెమెరా వంటి అనేక అంశాలతో కార్యక్రమాలూ రూపొందిస్తుంటా. ఇలాంటివాటికి తగినట్లుగా దుస్తులూ మేమే అందిస్తాం.
 

ఆగస్ట్‌ ఫెస్ట్‌ నిర్వహించా..
సందర్భం చెబితే చాలు దానికి సంబంధించి ఓ ప్రణాళిక రూపొందిస్తాం. ఎలాంటి కార్యక్రమాలు ఉండాలి, ఎవరిని ఆహ్వానించాలి.. భోజనాలు, అతిథులు.. ఇలా అన్నింటి బాధ్యతా మాదే అవుతుంది. ఇప్పటివరకూ మేం చేసిన వాటిల్లో భారతదేశంలోనే అతిపెద్ద స్టార్టప్‌ మీట్‌ ఆగస్ట్‌ఫెస్ట్‌ చేయడం ఓ జ్ఞాపకం. బాలీవుడ్‌లో రాజీవ్‌గాంధీ సినీ అవార్డు కార్యక్రమాన్నీ మేం నిర్వహించాం. గతేడాది గోవాలో జరిగిన అంతర్జాతీయ చిన్నారుల చలనచిత్రోత్సవం ముగింపు వేడుకల్ని అట్టహాసంగా చేసి చూపించా. హైదరాబాద్‌లో పర్యాటకశాఖకోసం తారామతి-బారాదరి, చౌమహల్లా వంటిచోట్లా పలువేడుకలు చేశా. 2017 కొత్త సంవత్సర వేడుకలకోసం ఫలక్‌నూమాలో కార్యక్రమం చేయబోతున్నాం. ఇవన్నీ చేయడం వెనుక మాకెంతో ఒత్తిడి ఉంటుంది. అన్ని విభాగాలనూ ఒక్కతాటిపై తీసుకురావాలి. ఏ మాత్రం తడబాటు పడినా అభాసుపాలవ్వాల్సిందే. ముఖ్యంగా వేలమంది హాజరయ్యే కార్యక్రమాల విషయంలో ఎన్నో అనుమతులూ తీసుకోవడం, ఆ జనాన్ని అదుపు చేయడం పెద్ద పనే. కొన్నిసార్లు కళాకారులు సమయానికి రారు. అలాంటప్పుడు ఆ నష్టాన్నీ నేనే భరించాలి. ఆ సందర్భాలు తరచూ ఎదురవుతూనే ఉంటాయి. అయినా ఎప్పుడూ భయపడింది లేదు. మేం చేసే కార్యక్రమం.. హాజరయ్యేవారి సంఖ్య, సంస్థ ఆలోచనల్ని బట్టి డబ్బు తీసుకుంటాం.

ఇంగ్లాండ్‌ నిలిచింది తొలిరోజు 284/4 అలీ అజేయ శతకం రాణించిన రూట్‌ భారత్‌తో ఐదో టెస్టు

చెపాక్‌లో తొలి రోజు ఇంగ్లాండ్‌దే. కనీసం ఒక్క విజయంతోనైనా వూరట పొందాలనుకుంటున్న ఇంగ్లాండ్‌.. భారత్‌తో చివరిదైన ఐదో టెస్టును బలంగా ఆరంభించింది. ఆల్‌రౌండర్‌ మెయిన్‌ అలీ చక్కని శతకం సాధించిన వేళ.. కుక్‌సేన మెరుగైన స్థితిలో నిలిచింది.

చెన్నై టెస్టు సిరీస్‌ గెలిచిన వూపులో రెట్టించిన విశ్వాసంతో చివరిటెస్టులో బరిలోకి దిగిన టీమ్‌ఇండియాకు ప్రతిఘటన ఎదురవుతోంది. తొలి రోజు ఇంగ్లాండ్‌ ఆధిపత్యాన్ని ప్రదర్శించింది. మొయిన్‌ అలీ (120 బ్యాటింగ్‌; 222 బంతుల్లో 12×4) అజేయ శతకానికి జో రూట్‌ (88; 144 బంతుల్లో 10×4) కీలక ఇన్నింగ్స్‌ తోడు కావడంతో మొదటి రోజు, శుక్రవారం ఆట ముగిసే సమయానికి ఇంగ్లాండ్‌ తొలి ఇన్నింగ్స్‌లో 4 వికెట్లకు 284 పరుగులు చేసింది. బెయిర్‌స్టో (49; 90 బంతుల్లో 3×6) రాణించాడు. అలీతో పాటు స్టోక్స్‌ (5) క్రీజులో ఉన్నాడు. తొలి రోజు మందకొడి పిచ్‌పై స్లోటర్న్‌ మాత్రమే లభించింది. అదనపు పేస్‌ వల్ల జడేజా మూడు వికెట్లు పడగొట్టగలిగాడు. మిగతా ఇద్దరు స్పిన్నర్లు అశ్విన్‌, మిశ్రాలకు ఒక్క వికెట్‌ కూడా దక్కలేదు. ఆరంభంలో మనోళ్లే..: చెపాక్‌లో టాస్‌ గెలవగానే ఇంగ్లాండ్‌ మరో ఆలోచన లేకుండా బ్యాటింగ్‌ ఎంచుకుంది. అయితే 21 పరుగులకే రెండు వికెట్లు పడగొట్టడం ద్వారా ఆరంభంలో భారతే పైచేయి సాధించింది. జెన్నింగ్స్‌ను ఇషాంత్‌ ఔట్‌ చేయగా... కుక్‌ను జడేజా వెనక్కి పంపాడు.
ఆదుకున్న అలీ, రూట్‌: తొలి రోజు ఇంగ్లాండ్‌ను మెరుగైన స్థితిలో నిలిపిన ఘనత నిస్సందేహంగా మొయిన్‌ అలీదే. పట్టుదలతో ఆడిన అతడు ఆ జట్టు ఇన్నింగ్స్‌కు వెన్నెముకలా నిలిచాడు. లేదంటే 26 పరుగులకే రెండు వికెట్లు కోల్పోయిన ఇంగ్లాండ్‌ చిక్కుల్లో పడేదే. సాధికారికంగా ఆడిన అలీ.. రూట్‌తో మూడో వికెట్‌కు 146 పరుగులు జోడించి ఇన్నింగ్స్‌ను కుదుటపరిచాడు. ఆ తర్వాత బెయిర్‌స్టోతో నాలుగో వికెట్‌కు 86 పరుగులు జోడించి ఇంగ్లాండ్‌ను ఇంకా బలమైన స్థితికి తీసుకెళ్లాడు. ఐతే అలీ కూడా తన ఇన్నింగ్స్‌ ఆరంభంలో ఇబ్బందిపడ్డాడు. లంచ్‌కు ముందు అశ్విన్‌ బౌలింగ్‌లో తడబడ్డాడు. లంచ్‌కు ముందు 44 బంతులు ఎదుర్కొన్న అతడు కేవలం 7 పరుగులే చేశాడు. ఐతే క్రీజులో నిలదొక్కుకున్నాక ఆత్మవిశ్వాసంతో ఆడాడు. అశ్విన్‌, జడేజా బౌలింగ్‌ల్లో స్వీప్‌లతో బౌండరీలు రాబట్టాడు. మరోవైపు రూట్‌ కూడా నియంత్రణతో ఆడడంతో ఇంగ్లాండ్‌ ఇన్నింగ్స్‌ సాఫీగా సాగిపోయింది. లంచ్‌ తర్వాతి సెషనల్లో ఆ జట్టు పూర్తి ఆధిపత్యాన్ని ప్రదర్శించింది. అలీ మిశ్రా బౌలింగ్‌లోనూ ధాటిగా ఆడాడు. 51వ ఓవర్లో జడేజా బౌలింగ్‌లో అర్ధశతకం పూర్తి చేసుకున్నాడు. మిశ్రా బౌలింగ్‌లో అతడు ఆడిన బ్యాక్‌స్వీప్‌ (బ్యాటు వెనుక భాగంతో) ఆకట్టుకుంది. రూట్‌ కూడా మంచి నైపుణ్యంతో స్వీప్‌ చేశాడు. స్వీప్‌, స్లాగ్‌ స్వీప్‌లతో మొత్తంగా అతడు ఐదు బౌండరీలు సాధించాడు. ఇతర షాట్లతోనూ అలరించాడు. అదే క్రమంలో భారత్‌పై 11వ అర్ధశతకం (11 మ్యాచ్‌ల్లో) సాధించాడు. ఐతే టీకి అరగంట ముందు రూట్‌ను జడేజా ఔట్‌ చేశాడు. భారత బౌలర్లను సమర్థంగా స్వీప్‌ చేసిన రూట్‌ చివరికి స్వీప్‌కే క్యాచ్‌ ఔటయ్యాడు. భారత అప్పీలును అంపైర్‌ తిరస్కరించినా.. అతడు సమీక్షలో ఔట్‌గా తేలాడు. రూట్‌ నిష్క్రమణతో భారత్‌ మళ్లీ పోటీలోకి వస్తుందనిపించింది. కానీ అలీ, బెయిర్‌స్టోలు ఎలాంటి అవకాశమూ ఇవ్వలేదు. చివరి సెషన్‌ను ధాటిగా ఆరంభించారు. బెయిర్‌స్టో ఏమాత్రం అవకాశం దక్కినా స్పిన్నర్ల బౌలింగ్‌లో స్లాగ్‌ స్వీప్‌లు చేశాడు. వరుసగా జడేజా, అశ్విన్‌ ఓవర్లలో సిక్సర్లు కొట్టాడు. ఐతే బెయిర్‌స్టో అర్ధశతకానికి ఒక్క పరుగు దూరంలో నిష్క్రమించాడు. 81వ ఓవర్లో జడేజా బౌలింగ్‌లో అతడు రాహుల్‌కు తేలికైన క్యాచ్‌ ఇచ్చాడు. మరోవైపు అలీ చక్కని ఆటను కొనసాగించాడు. మిశ్రా బౌలింగ్‌లో ముందుకొచ్చి కవర్స్‌లో బౌండరీతో 99కి చేరుకున్న అతడు.. వెంటనే సింగిల్‌తో టెస్టుల్లో ఐదో శతకం పూర్తి చేసుకున్నాడు.
ఇంగ్లాండ్‌ తొలి ఇన్నింగ్స్‌: కుక్‌ (సి) కోహ్లి (బి) జడేజా 10; జెన్నింగ్స్‌ (సి) పార్థివ్‌ (బి) ఇషాంత్‌ 1; రూట్‌ (సి) పార్థివ్‌ (బి) జడేజా 88; అలీ బ్యాటింగ్‌ 120; బెయిర్‌స్టో (సి) రాహుల్‌ (బి) జడేజా 49; స్టోక్స్‌ బ్యాటింగ్‌ 5; ఎక్స్‌ట్రాలు 11 మొత్తం: (90 ఓవర్లలో 4 వికెట్లకు) 284;
వికెట్ల పతనం: 1-7, 2-21, 3-167, 4-253
బౌలింగ్‌: ఉమేశ్‌ యాదవ్‌ 12-1-44-0; ఇషాంత్‌ శర్మ 12-5-25-1; జడేజా 28-3-73-3; అశ్విన్‌ 24-1-76-0; అమిత్‌ మిశ్రా 13-1-52-0; కరుణ్‌ నాయర్‌ 1-0-4-0.