కొత్త రూ.1000 నోటు రిలీజ్ డేట్ వ‌చ్చేసింది

ప్రధాని నరేంద్ర మోడీ తీసుకున్న నోట్ల రద్దు నిర్ణయాన్ని ప్రజలు ఒకవైపు హర్షిస్తూనే, మరోవైపు అమలులో విఫలమైందని మండిపడుతున్నారు. ఈ క్ర‌మంలోనే మోడీ రూ.1000, రూ.500 నోట్ల‌ను ర‌ద్దు చేసిన సంగ‌తి తెలిసిందే. ఈ నోట్ల స్థానంలో ప్ర‌భుత్వం కొత్త 2వేల నోటును ప్రవేశపెట్టింది. 2వేల నోటుతో పాటు 5వందలు, వెయ్యి రూపాయల నోటు కూడా విడుదల చేయనున్నట్లు ఆర్బీఐ ప్రకటించింది. కొత్త 5వందల నోటు అక్కడక్కడా కనిపిస్తోంది కానీ వెయ్యి నోటు జాడే లేదు.
రూ.500 నోటు త‌ర్వాత ఒకేసారి మ‌ళ్లీ రూ.2000 పెద్ద నోట్లు మాత్ర‌మే ఉండ‌డంతో ఆర్థిక వ్య‌వ‌స్థ‌లో చాలా అప్ అండ్ డౌన్స్ చోటు చేసుకుంటున్నాయి. ఆర్థిక వ్య‌వ‌స్థ చాలా వ‌ర‌కు అత‌లాకుత‌ల‌మ‌వుతోంది. ఈ క్ర‌మంలోనే జ‌నాలంద‌రూ కొత్త రూ.1000 నోటు కోసం ఎంతో ఆస‌క్తితో వెయిట్ చేస్తున్నారు.
అయితే ఈ కొత్త రూ.1000 నోటు బ్యాంకుల్లోకి, అక్కడి నుంచి జనం జేబుల్లోకి రావాలంటే కొత్త సంవత్సరం వచ్చే దాకా ఆగక తప్పదని సమాచారం. ప్రధాని నరేంద్ర మోడీ కొత్త వెయ్యి రూపాయల నోటును ప్రవేశపెడుతున్నట్లు డిసెంబర్ 30న అధికారికంగా ప్రకటించనున్నట్లు తెలిసింది.

అంతేకాదు, కొత్తగా 20రూపాయలు, 50 రూపాయల నోటును కూడా అందుబాటులోకి తీసుకురానున్నారు. ఈ విషయాన్ని స్వయంగా ఆర్బీఐయే తెలిపింది. పాత 20, 50 నోట్లు యథాతథంగా ఉంటాయని, వాటికి తోడు కొత్త నోట్లు చలామణీలోకి తేవాలని భావిస్తున్నట్లు ఆర్బీఐ ప్రకటించింది.