సౌత్ ఇండియ‌న్ సీనియ‌ర్ హీరోయిన్ న‌య‌న‌తార, యంగ్ డైరెక్ట‌ర్ విఘ్నేష్ శివ‌న్ ప్రేమ వ్య‌వ‌హారం గురించి గ‌త కొద్ది రోజులుగా ఎన్నో సంచ‌ల‌న వార్త‌లు వ‌స్తోన్న సంగ‌తి తెలిసిందే. వీరిపై ఎన్ని రూమ‌ర్లు ఉన్నా అవి క‌న్‌ఫార్మ్ మాత్రం కావ‌డం లేదు. ఇక‌పై వీటికి ఫుల్ స్టాప్ పెట్టే సంఘ‌ట‌న ఒక‌టి జ‌రిగింది. న‌య‌న జ‌య‌ల‌లితకు నివాళులు అర్పించేందుకు వ‌చ్చి వేలాది మంది స‌మ‌క్షంలో ఫుల్ క్లారిటీ ఇచ్చేసింది.
దివంగత జయలలిత పార్ధివ దేహాన్ని దర్శించుకోవడానికి ఈరోజు అనేకమంది సినిమా సెలబ్రిటీలు క్యూలు కట్టిన సంగతి తెలిసిందే. ఈ క్ర‌మంలోనే బెంగ‌ళూరులో షూటింగ్‌లో ఉన్న నయనతార కూడా అర్ధంతరంగా షూటింగ్ క్యాన్సిల్ చేసుకుని మరీ చెన్నై వ‌చ్చింది. జయలలిత మృత‌దేహాన్ని తన ప్రియుడు.. దర్శకుడు విఘ్నేష్ శివన్ తో కలసి దర్శించుకుంది. ఇద్దరూ కూడా తెల్ల బట్టల్లో నార్త్ ఇండియన్ స్టయిల్లో విచ్చేశారులే.


 ఇలాంటి కార్య‌క్ర‌మానికి ఎవ్వ‌రూ ల‌వ‌ర్స్‌తో రారు. వారి మ‌ధ్య అంత‌కు మించి బ‌ల‌మైన రిలేష‌న్ ఉంటేనే ఇలా జ‌రుగుతుంది. సో న‌య‌న‌తార వేలాది మంది స‌మ‌క్షంలోనే విఘ్నేష్‌తో రావ‌డంతో ఇక వీరి మ‌ధ్య ఉన్న రిలేషన్ స్ట్రాంగేన‌ని, విఘ్నేష్ ను నయన్ పెళ్ళిచేసుకుందని అంద‌రూ అనుకుంటున్నారు.