జయలలిత జీవితంలో ఎన్నో రాటుపోట్లను ఎదుర్కొని నిలబడింది. ఆమెపై లేనిపోని ఆరోపణలు ఎన్నో వచ్చాయి. జయలలితకు, శోభన్ బాబుకు ఏదో సంబంధం ఉన్నదని, వాళ్లకు ఒక బిడ్డకూడా ఉందని, ఆమె హైదరాబాద్‌లో పెరుగుతున్నదని విపరీతంగా ప్రచారంలో పెట్టారు కొందరు. కాని ఇవన్నీ పచ్చి అబద్దాలని జయసుధ లాంటి సీనియర్ నటీమణులు కూడా చెప్పారు. జయలలిత బాగా పాపులర్‌ అయి సినీ పరిశ్రమలో వెలుగొందుతున్న రోజుల్లో శోభన్ బాబు ఒక చిన్న నటుడు. ఆయన అదృష్టం కొద్ది ఎన్నో ఏళ్ల తరువాత జయలలితతో ఒక సినిమాలో నటించే అవకాశం వచ్చింది. మానవుడు-దానవుడు, వీరాభిమన్యు లాంటి సినిమాలు వచ్చేదాక ఆయనకు పెద్దగా గుర్తింపు లేదు.
ఒక సినిమా పత్రికలో శోభన్ బాబు తనతో నటించిన హీరోయిన్ల గురించి ఒక్కో సంచికలో ఒక్కో హీరోయిన్‌ గురించి వ్యాసాలు రాశాడు.అందులో జయలలిత గురించి రాసేటప్పుడు కొంచెం ఎక్కువగా, అంటే మూడు వారాలపాటు ఆమెతో తన అనుబంధాన్ని రాసారు. పైగా శోభన్ బాబు జయ ఇంటికి వెళ్ళినప్పుడు ఆహ్వానించిన ఫోటో, అన్నం వడ్డిస్తున్న ఫోటో, ఇలాంటివి ఫోటోలు పెట్టడంతో అందరిలో అనుమానం మొదలయ్యింది. శోభన్ బాబు జయలలితతో తన అనుబంధాన్ని గురించి రాసిన తీరు కూడా పాఠకులలో వాళ్ల ఇద్దరిమధ్య ఏదో ఉందన్న అనుమానాలను రేకెత్తించింది.
అసలు ఆరోజులలో మొబైల్స్ లేవు అంటే సెల్ఫీ లు లేవు. ఆరోజుల్లో ఫోటో అంటే ఫోటో గ్రాఫర్ వచ్చి తీసేవాడు. వాళ్ళిద్దరూ అంత పర్సనల్ అయితే ఎందుకు ఫోటో గ్రాఫర్ లు అందరు అక్కడ ఉంటారు, ఎందుకు అలా ఫోటోలు దిగుతారు. ఇలా అనవసరంగా ఆమె పై అసత్య ప్రచారాలు మొదలయ్యి చివరికి ఆమెకు శోభన్ బాబుకు కూతురు ఉందనే అసత్య ప్రచారం స్ట్రాంగ్ గా జరిగింది. లైఫ్ లో ఇన్ని ఎదుర్కున్న జయ ఒకవేళ నిజంగా తనకి కూతురు ఉంటె ఆమె నా కూతురు అని చెప్పి మరీ పెంచుకునే ధైర్యం ఉన్న మనషి. అంతే కానీ భయపడి ఎవ్వరికి ఇవ్వదు అని అమ్మ అభిమానులు అంటున్నారు
No comments:
Post a Comment