బ్యాంకులు, ATM క్యూలో ఉండే జనానికి స్వీట్ న్యూస్. మీరు ఎంతో ఓపిగ్గా లైన్ లో ఉంటున్నందుకు.. ప్రధాని మోడీ పిలుపునకు కలిసి వస్తున్నందుకు కృతజ్ణతగా బీజీపీ లడ్డూ లవ్ ప్రోగ్రామ్ తీసుకొచ్చింది. ATM, బ్యాంక్ క్యూలో ఉన్నవారికి ఒక్కొక్కరికీ ఒక్కో లడ్డూ పంపిణీ చేస్తోంది. ఢిల్లీ బీజేపీ శాఖ ఆధ్వర్యంలో ఈ క్రమానికి శ్రీకారం చుట్టారు. ఢిల్లీ కమలానగర్ ఏరియాలో జై భారత్, జై మోడీ అంటూ నినాదాలు చేస్తూ లడ్డూలు పంచారు. నెలాఖరు వరకు ఢిల్లీలోని అన్ని బ్యాంక్, ATM సెంటర్ల దగ్గర క్యూలో లడ్డూలు పంచుతారు. జనవరి ఒకటి నుంచి 10వ తేదీ వరకు ఇంటింటికీ వెళ్లి ఒక్కో లడ్డూ ఇస్తారు. మోడీకి మద్దతు పలికినందుకు థ్యాంక్స్ చెప్పనున్నట్లు భారతీయ జనతా పార్టీ ఢిల్లీ అధ్యక్షుడు మనోజ్ తివారీ ప్రకటించారు. ఢిల్లీలో మొదలైన లడ్డూ లవ్.. మిగతా రాష్ట్రాలకు విస్తరిస్తుందా.. లేదా అనేది చూడాలి.
No comments:
Post a Comment