షాకింగ్ : బాత్రూం గోడల్లో రూ.5.7కోట్ల కొత్త నోట్లు

నోట్ల రద్దు తర్వాత ఐటీ అధికారులు దూకుడు పెంచారు. అక్రమంగా నగదు మారుస్తున్న హవాలా ఆపరేటర్ల ఇళ్లపై దాడులు చేస్తున్నారు. కర్నాటకలోని చిత్రదుర్గ, హుబ్లీలోని ఓ హవాలా ఆపరేటర్ ఇంటిపై ఆదాయపన్నుశాఖ అధికారులు దాడులు చేశారు. బాత్రూం గోడల్లో ఏర్పాటు చేసుకున్న సీక్రెట్ లాకర్లలో 5కోట్ల 7 లక్షల రూపాయల 2వేల నోట్లు బయటపడ్డాయి. మరో 90 లక్షల రూపాయల విలువైన పాత 500, వెయ్యి రూపాయల నోట్లు కూడా ఉన్నాయి. నగదుతోపాటు 32 కిలోల బంగారం స్వాధీనం చేసుకున్నారు అధికారులు. 2వేల నోట్లు కోట్లలో బయటపడటంతో షాక్ అయ్యారు ఆఫీసర్స్. వాటిని ఏయే బ్యాంకుల నుంచి తీసుకొచ్చారు.. ఎవరెవరు సహకరించారు అనే దానిపై తీగ లాగుతున్నారు. బెంగళూరు కేంద్రంగా హవాలా లావాదేవీలు నడిపే వ్యాపారులపైనా కన్నేసి ఉంచారు.