మోదీ ఇప్పుడు తల ఎక్కడ పెట్టుకుంటారు…

నీతులు ఉన్నది బహిరంగసభల్లో ధీర్ఘాలు తీసి వెర్రిజనాలకు చెప్పేందుకేనని బీజేపీ నేతలు మరోసారి నిరూపించారు. దేశంలో జనం రెండు వేల రూపాయల కోసం పడరాని పాట్లు పడుతుంటే బీజేపీ నేతలు మాత్రం ఆడంబరాల్లో మునిగితేలుతున్నారు. టీడీపీ ఎమ్మెల్యే యరపతినేని శ్రీనివాస్‌, బీజేపీ నేత గాలి జనార్దన్‌ రెడ్డి, కేంద్రమంత్రి బండారు దత్తాత్రేయలు నోట్ల రద్దు తర్వాతే కోట్లు తగలేసి ఘనంగా వారింట వివాహాలు చేసుకున్నారు. దీనిపై దేశం మొత్తం నిరసన తెలిపినా బీజేపీ నేతలకు బుద్ధి రాలేదు. తాజాగా కేంద్రమంత్రి నితిన్‌ గడ్కరీ తన కూతురి వివాహం ఆదివారం రాత్రి చేశారు.

ఆ పెళ్లిని చూసిన వారు షాక్ అవుతున్నారు. దేశం కరెన్సీ కరువుతో అల్లాడుతున్న వేళ గడ్కరీ ఏకంగా 50 ప్రత్యేక చార్టర్డ్ విమానాలను వివాహానికి వచ్చే అథితుల కోసం వాడారు. పది వేల మంది అతిథులు వచ్చిన ఈ వివాహానికి దాదాపు 120 కోట్లు ఖర్చు చేసినట్టు చెబుతున్నారు. ఈ వివాహానికి కేంద్రమంత్రులు కూడా హాజరవడం విశేషం. హోంమంత్రి రాజ్‌నాథ్‌ సింగ్‌, నీతులు చెబుతున్న అమిత్‌షా, వెంకయ్యనాయుడు, ఆర్ఎస్ఎస్ చీఫ్ మోహన్ భగవత్ కూడా హాజరయ్యారు. బీజేపీ పాలిత రాష్ట్రాల ముఖ్యమంత్రులు హాజరయ్యారు. ఈ వివాహం నాగపూర్‌లో జరిగింది. ఈ వివాహం గురించి తెలుసుకున్న నెటిజన్లు నిప్పులు చెరుగుతున్నారు. నోట్ల రద్దు చేసి సామాన్యులపై పడి ఏడుస్తున్న మోదీ ప్రభుత్వం ఇలా కోట్లు తగలేసి కేంద్రమంత్రులే చేస్తున్న వివాహలపై ఎందుకు స్పందించడం లేదని ప్రశ్నిస్తున్నారు. ఏం కష్టం చేసి సంపాదించి తన కేబినెట్ మంత్రి గడ్కరీ వంద కోట్లు పెట్టి కూతురు వివాహం చేశారో దేశ ప్రజలకు ప్రధాని మోదీ సమాధానం చెప్పాలని నిలదీస్తున్నారు. చూస్తుంటే మోదీ తీరు ఇంట గెలవలేక రచ్చ గెలిచి రచ్చ చేసేందుకు బయలుదేరినట్టుగా ఉందంటున్నారు